میرا جی خدا نما کی حیات اور ادبی خدمات

-

میرا جی خدا نما

  1074 ھ    1004- ھ 

میرا جی خدا نما حضرت خواجہ بندہ نواز گیسودراز کے سلسہ فیض کے شاعر وادیب ہیں۔ آپ سید تھے۔ اپنے کلام میں انہوں نے میراں اور سید میراں تخلص استعمال کیا ہے۔ آپ کے والد کا نام شاہ قاسم محمود تھا۔ حضرت میراں جی خدا نما نے اپنے آپ کو رشد و ہدایت کے لیے وقف کر دیا اور سلطان عبداللہ قطب شاہ کی سرکاری ملازمت سے کنارہ کشی اختیار کرلیں۔ چوں کہ آپ بندگان خدا کوحق پرستی اور معرفت خداوندی کا درس دیا کرتے اس لیے انھیں خدا نما کے لقب سے یاد کیا جانے لگا۔

سلسلہ بندہ نواز کے مشائخین کی طرح میراں جی خدا نما بھی تصنیف و تالیف میں مشغول رہے اور اپنی نگارشات سے خلق اللہ کی دینی اور علمی خدمت انجام دی۔ انہوں نے کئی اردو رسالے اور نظمیں لکھیں۔ رسالہ وجود یہ (موضوع : تصوف کے مسائل ) ، شرح تمہیدات عین القضات اور شرح مرغوب القلوب اردو نثر میں ہیں۔ میراں جی خدا نما نے بشارت الانوار کے علاوہ دو مثنویاں اور غزلیں بھی کہی تھیں ۔ شرح تمہیدات عین القضات قاضی عین القضات ہمدانی کی تصنیف ہے۔ تصوف سے متعلق اس فارسی تصنیف کی شرح حضرت خواجہ بندہ نواز نے فارسی ہی میں لکھی تھی۔ میراں جی خدا نما نے اس کو دکنی نثر میں منتقل کیا۔ رسالہ وجودیہ میراں جی خدانما کی نثری یادگار ہے جس میں تصوف کے مسائل بیان کیے گئے ہیں ۔

مرغوب القلوب فارسی نظم ہے جو شمستبریز سے منسوب کی جاتی ہے۔ میراں جی خدا نما نے دکنی نثر میں اس کی شرح لکھی ہے جس کا نام ” شرح مرغوب القلوب“ ہے۔

میراں جی خدا نما کے رسالے اردو کی ارتقائی منزل اور اس کے تشکیلی دور کی اچھی نمائندگی کرتے ہیں۔ خدا نما کی نثر میں قواعد کا یہ رجحان نظر آتا ہے کہ اکثر جملوں میں فعل، فاعل اور مفعول اپنے مناسب مقام پر دکھائی دیتے ہیں لیکن عبارتوں میں ہر جگہ اس کا التزام نہیں رکھا گیا ہے ۔ دوسری خصوصیت یہ ہے کہ عبارتوں کے ٹکڑے ایک دوسرے سے پیوست نظر آتے ہیں اور درمیان میں خلاء کا بہت کم احساس ہوتا ہے۔ اس سے بھی نشر کی ترقی اور نشو ونما میں میراں جی خدا نما کی تحریروں کی اہمیت کا پتہ چلتا ہے

تبصرے

ایک تبصرہ شائع کریں

اس بلاگ سے مقبول پوسٹس

مجاز مرسل کی تعریف اور اقسام

-
"(ع) اسم مذکر علم بیان میں اس مجاز یا صنعت بیانیہ سے مراد ہے، جس میں سبب سے مسبب ظرف سے مظروف کل سے جزو، لازم سے ملزوم ، ذکر سے صاحب ذکر مراد لے سکتے ہیں ۔" (فرہنگ آصفیہ، ،جلد سوم،2057)  مجاز ( ع ) لغوی معنی راہ ، مذکر حقیقت کے برعکس ، جو حقیقت نہ ہو ۔ وہ کلمہ جو اپنے حقیقی معنی کے خلاف مستعمل ہو مگر اس کے حقیقی معنی متروک نہ ہو گئے ہوں ۔ مجاز مرسل (ف) مذکر علم بیان میں اس مجاز سے مراد ہے۔ جس میں سبب سے مسبب ظرف سے مظروف، کل سے جزو وغیرہ مراد لے سکتے ہیں۔ مجازی اور حقیقی معنی میں تشبیہ کا علاقہ ہے تو استعارہ کہیں گے اور اگر تشبیہ کے سوا کوئی اور علاقہ ہو تو مجاز مرسل - ( نور اللغات جلد چهارم ، صفحہ 495) مندرجہ بالا تعریفات کی روشنی میں ہم کہہ سکتے ہیں کہ جب کسی لفظ کو حقیقی معنی کے علاوہ مجازی معنی میں استعمال کیا جائے اور حقیقی ومجازی معنوں میں تشبیہ کے علاوہ کوئی اور تعلق ہو تو اسے " مجاز مرسل" کہتے ہیں۔ تشبیہ کے علاوہ کسی بھی لفظ کے حقیقی و مجازی معنوں میں جو دوسرے علاقے ہو سکتے ہیں وہ درج ذیل ہیں: جزو اور کل کا علاقہ ؛ اگر کسی ایک لفظ کو بطور جزو بول کر کل مرا...
مزید پڑھیں

تشبیہ کی تعریف اور اس کے اقسام

-
تشبیہ ، ع ، اسم مونث ۔ مشابہت تمثیل ( اصطلاح معانی میں ایک چیز کو دوسری چیز کے ساتھ کسی صفت میں مشابہ کرنے کو کہتے ہیں۔ ) اس میں وجہ شبہ ظاہر ہو یا نہ ہو۔ جسے تشبیہ دیں اسے مشبہ اور جس سے تشبیہ دیں اسے مشبہ بہ کہتے ہیں۔ مشبہ اور مشبہ بہ کوطرفین تشبیہ ، اس صفت کو وجہ شبہ اور جو حرف اس پر دلالت کرے اسے حرف شبہ کہتے ہیں ۔" (فرہنگ آصفیہ، جلد اول، صفحه (615)  تشبیہ (ع) - شبہ مادہ) مونٹ، ایک چیز کو دوسری چیز کے مانند ٹھہرانا جیسے کسی بہادر کو کہتا کہ اپنے زمانے کا رستم ہے۔ جسے تشبیہ دیتے ہیں اسے مشتبہ اور جس کو تشبیہ دیتے ہیں اس کو مشبہ بہ اور جس امر میں تشبیہ دیتے ہیں اسے وجہ شبہ کہتے ہیں۔" ( نور اللغات ، جلد دوم، صفحہ 251) تشبیہ کی مندرجہ بالا تعریفات پر غور کرنے سے ظاہر ہوتا ہے کہ کسی ایک شئے یا شخص کو کسی دوسری شے یا شخص سے کسی مماثلت کی بناء پر ہم پلہ یا اس کے مانند قرار دینا تشبیہ کہلاتا ہے۔ مثال کے طور پر اگر ہم یہ کہیں کہ حامد شیر کی طرح بہادر ہے تو یہاں پر حامد کو اس کی بہادری کے سبب شیر سے تشبیہ دی جارہی ہے جو کہ ایک طاقت ور اور بہادر جانور سمجھا جاتا ہے۔  تشبیہ کے ارکان ...
مزید پڑھیں

استعارہ کی تعریف اور اس کے اقسام

-
استعارہ (ع) ہم مذکر بغوی معنی مانگ لینا علم زبان کی اصطلاح میں مجاز کی ایک قسم ہے یعنی جب مضاف الیہ کو مضاف سے کچھ تشبیہ کا لگاؤ ہو تو اس مضاف کو استعارہ کہتے ہیں ۔ جیسے اصل اب اور سر وقہ ، یہاں لب کا محل سے اور مرد کا قد سے استعارہ ہے۔ اگر مشبہ کو چھوڑ کر مشبہ بہ کا ذکر کر کے مشبہ سے مراد لیں تو اصل بمعنی اب اور سرو بمعنی قدر ہوگا۔ اس صورت میں استعارے کی پوری پوری تعریف صادق آئے گی ۔" (فرہنگ آصفیہ، جلد اول، صفحہ 170) استعاره ( ع بالکسر وکس سوم ، کسی چیز کا عاریتہً مانگنا ،وہ علم بیان کی اصطلاح میں حقیقی اور مجازی معنوں کے درمیان تشبیہ کا علاقہ ہوتا۔ یعنی حقیقی معنوں کا لباس عاریہ مانگ کر مجازی معنوں کو پہنانا ) ذکر اردو میں بیشتر دوسرے معنی میں مستعمل ہے۔“ (نور اللغات، جلد اول، صفحہ 334) اوپر کی تعریفوں سے معلوم ہوتا ہے کہ استعارہ سے مراد وہ صورت ہے جب مشبہ بہ " کو عین مشبہ“ قرار دیا جاتا ہے۔ مثلا اگر یہ کہا جائے کہ " احمد شیر کی طرح بہادر ہے تو یہ تشبیہ ہے، لیکن اگر ہم یہ کہیں کہ احمد شیر ہے ۔ تو یہ استعارہ ہے کیونکہ یہاں مشبہ بہ شیر کو مشبہ احمد قرار دیا گیا ہے۔ آپ اس...
مزید پڑھیں