حضرت میرا جی شمس العشاق کی حیات اور ادبی خدمات

-

حضرت میراں جی شمس العشاق     کا نام امیر الدین عرفیت میراجی اور لقب شمس العشاق ہے۔ آپ کے والد کا نام حاجی شریف دوام الدین تھا۔ میراں بھی مکہ شریف میں پیدا ہوئے بائیس سال کی عمر میں مکہ معظمہ سے مدینہ منورہ گئے اور وہاں بارہ سال تین ماہ اور پانی روز قیام کیا۔ پھر ہندوستان آئے اور دکن کا رخ کیا۔ حضرت شاہ کمال الدین بیابانی کے دست پر بیعت کی اور منازل سلوک طے کرنے کے بعد آپ  کو حضرت شاہ کمال الدین بیابانی نے آپ کو خلافت سے سرفراز کیا۔ دو واسطوں سے آپ کا سلسلۂ خلافت حضرت گیسو دراز سے ملتا ہے۔ اپنے پیرو مرشد کے حکم سے بھنگار ( احمد نگر ) جا کر شادی کی ۔ آپ کے فرزند برہان الدین جانم اور پوتے امین الدین علی اعلیٰ تھے۔


میراں جی شمس العشاق اپنے پیر و مرشد کے کہنے کے مطابق بیجاپور چلے گئے اور تاحیات مخلوق خدا کو اپنے علم وفضل سے بہرہ ور کرتے رہے۔ آپ کا مزار بیجاپوری میں ہے۔ میراں جی ولی کامل اور روشن ضمیر بزرگ تھے۔ آپ نے ساری زندگی عبادت ریاضت رشد و ہدایت درس و تدریس میں گزار دی ۔ آپ عالم با عمل اور صوفی باصفا تھے۔ باعمل میراں جی شمس العشاق سے کسی اردو نثری رسالے کا انتساب ثابت نہیں ہوتا۔ ان سے منسوب جتنے بھی نثری رسالے ہیں ان میں سے ایک بھی رسالہ ایسا نہیں ہے جس کے متعلق یقین کے ساتھ یہ کہا جا سکے کہ یہ میراں جی شمس العشاق ہی کی تصنیف ہے۔ ان کی تصانیف میں چھ مثنویاں شامل ہیں ۔

(۱) شہادت التحقیق یا شہادت الحقیقت 

(۲) خوش نامه 

(۳) خوش نغز

(۴) شهادت نامه

(۵) مغزمرغوب

(۶) وصیت النور


مثنوی وصیت النور کو ڈاکٹر صبیحہ نسرین نے نیشنل میوزیم کراچی پاکستان میں موجود ایک ضخیم بیاض سے یکم اکتوبر 1987ء کو دریافت کیا اور 1988ء میں وصیت النور" کے نام سے شائع کیا۔ خوش نامہ میں ایک نو جوان اور نیک طینت لڑکی خوش یا خوشنودی کا ذکر کیا گیا ہے۔ وہ عشق الہی سے سرشار ہے۔ وہ میراں جی کی مرید تھی۔ خوش نامہ کا وہ حصہ جہاں خوشی کے وقت آخر اور اس کے انتقال کا حال نظم کیا گیا ہے بہت زیادہ پر اثر ہے۔ یہاں میراں جی کا لب ولہجہ جذباتی ہو گیا ہے۔ اور ان کا طرز ادا سوز و گداز میں ڈوبا ہوا محسوس ہوتا ہے۔ میراں جی کی یہ نظم بہت سادہ ہے۔ مثنوی شہادت التحقیق یا شہادت الحقیقت میں اخلاق و تصوف کے رموز و حقائق کا تذکرہ ہے۔ اس مثنوی کی بھر چھوٹی لیکن رواں ہے ۔


یہ سب عالم تیرا

رزاق سبھوں کیرا

تجھ بن اور نہ کوئے

نہ خالق دو جا ہوئے

نا دیکھت پورا لیکھو

لے مغز چاک دیکھو

جے مغز میٹھا لاگے

تو کیوں من اس تھے بھاگے

وہ مغز معنی لیو

سب چھال جھاڑ دیو


شہادت الحقیقت مکالمے کے انداز میں لکھی گئی ہے۔ اس میں سوال و جواب کے طرز میں تصوف کی عام باتیں بیان کی گئی ہیں۔ مثنوی خوش نغز میں بھی میراں جی نے متصوفانہ خیالات پیش کیے ہیں۔ اس میں بھی خوشی یا خوشنودی کا کردار ابھرتا ہے۔ وہ اپنے پیر طریقت میراں جی سے مختلف سوالات کرتی جاتی ہے اور میراں جی اس کا جواب دیتے جاتے ہیں۔


مثنوی " مغز مرغوب میراں جی کی ایک مختصری نظم ہے اور صرف تئیس (23) اشعار پر مشتمل ہے ۔


مغز مرغوب دھر یا جانو اس نسخے کا نام

مرشد موکھوں سمجھے تو ہوئے کشف تمام


چہار شہادت میں میراں جی نے اپنے پیرومرشد شاہ کمال بیابانی کا ذکر کیا ہے۔ مثنوی وصیت النور میں عرفان باری تعالیٰ عرفان محمدی عبادت کی اہمیت انسانیت کی معراج، مرشد کی اہمیت جیسے موضوعات ملتے ہیں۔ یہ مثنوی بھی سوال و جواب کی شکل میں ہے۔ اس مثنوی میں ایک سو گیارہ اشعار ہیں ۔


خوش پوچھی کی سوال ایک موج ایسا آیا 

کہنا پیر پیارے ہم کوں کا ہے کاج نہ پایا

تبصرے

ایک تبصرہ شائع کریں

اس بلاگ سے مقبول پوسٹس

مجاز مرسل کی تعریف اور اقسام

-
"(ع) اسم مذکر علم بیان میں اس مجاز یا صنعت بیانیہ سے مراد ہے، جس میں سبب سے مسبب ظرف سے مظروف کل سے جزو، لازم سے ملزوم ، ذکر سے صاحب ذکر مراد لے سکتے ہیں ۔" (فرہنگ آصفیہ، ،جلد سوم،2057)  مجاز ( ع ) لغوی معنی راہ ، مذکر حقیقت کے برعکس ، جو حقیقت نہ ہو ۔ وہ کلمہ جو اپنے حقیقی معنی کے خلاف مستعمل ہو مگر اس کے حقیقی معنی متروک نہ ہو گئے ہوں ۔ مجاز مرسل (ف) مذکر علم بیان میں اس مجاز سے مراد ہے۔ جس میں سبب سے مسبب ظرف سے مظروف، کل سے جزو وغیرہ مراد لے سکتے ہیں۔ مجازی اور حقیقی معنی میں تشبیہ کا علاقہ ہے تو استعارہ کہیں گے اور اگر تشبیہ کے سوا کوئی اور علاقہ ہو تو مجاز مرسل - ( نور اللغات جلد چهارم ، صفحہ 495) مندرجہ بالا تعریفات کی روشنی میں ہم کہہ سکتے ہیں کہ جب کسی لفظ کو حقیقی معنی کے علاوہ مجازی معنی میں استعمال کیا جائے اور حقیقی ومجازی معنوں میں تشبیہ کے علاوہ کوئی اور تعلق ہو تو اسے " مجاز مرسل" کہتے ہیں۔ تشبیہ کے علاوہ کسی بھی لفظ کے حقیقی و مجازی معنوں میں جو دوسرے علاقے ہو سکتے ہیں وہ درج ذیل ہیں: جزو اور کل کا علاقہ ؛ اگر کسی ایک لفظ کو بطور جزو بول کر کل مرا...
مزید پڑھیں

تشبیہ کی تعریف اور اس کے اقسام

-
تشبیہ ، ع ، اسم مونث ۔ مشابہت تمثیل ( اصطلاح معانی میں ایک چیز کو دوسری چیز کے ساتھ کسی صفت میں مشابہ کرنے کو کہتے ہیں۔ ) اس میں وجہ شبہ ظاہر ہو یا نہ ہو۔ جسے تشبیہ دیں اسے مشبہ اور جس سے تشبیہ دیں اسے مشبہ بہ کہتے ہیں۔ مشبہ اور مشبہ بہ کوطرفین تشبیہ ، اس صفت کو وجہ شبہ اور جو حرف اس پر دلالت کرے اسے حرف شبہ کہتے ہیں ۔" (فرہنگ آصفیہ، جلد اول، صفحه (615)  تشبیہ (ع) - شبہ مادہ) مونٹ، ایک چیز کو دوسری چیز کے مانند ٹھہرانا جیسے کسی بہادر کو کہتا کہ اپنے زمانے کا رستم ہے۔ جسے تشبیہ دیتے ہیں اسے مشتبہ اور جس کو تشبیہ دیتے ہیں اس کو مشبہ بہ اور جس امر میں تشبیہ دیتے ہیں اسے وجہ شبہ کہتے ہیں۔" ( نور اللغات ، جلد دوم، صفحہ 251) تشبیہ کی مندرجہ بالا تعریفات پر غور کرنے سے ظاہر ہوتا ہے کہ کسی ایک شئے یا شخص کو کسی دوسری شے یا شخص سے کسی مماثلت کی بناء پر ہم پلہ یا اس کے مانند قرار دینا تشبیہ کہلاتا ہے۔ مثال کے طور پر اگر ہم یہ کہیں کہ حامد شیر کی طرح بہادر ہے تو یہاں پر حامد کو اس کی بہادری کے سبب شیر سے تشبیہ دی جارہی ہے جو کہ ایک طاقت ور اور بہادر جانور سمجھا جاتا ہے۔  تشبیہ کے ارکان ...
مزید پڑھیں

استعارہ کی تعریف اور اس کے اقسام

-
استعارہ (ع) ہم مذکر بغوی معنی مانگ لینا علم زبان کی اصطلاح میں مجاز کی ایک قسم ہے یعنی جب مضاف الیہ کو مضاف سے کچھ تشبیہ کا لگاؤ ہو تو اس مضاف کو استعارہ کہتے ہیں ۔ جیسے اصل اب اور سر وقہ ، یہاں لب کا محل سے اور مرد کا قد سے استعارہ ہے۔ اگر مشبہ کو چھوڑ کر مشبہ بہ کا ذکر کر کے مشبہ سے مراد لیں تو اصل بمعنی اب اور سرو بمعنی قدر ہوگا۔ اس صورت میں استعارے کی پوری پوری تعریف صادق آئے گی ۔" (فرہنگ آصفیہ، جلد اول، صفحہ 170) استعاره ( ع بالکسر وکس سوم ، کسی چیز کا عاریتہً مانگنا ،وہ علم بیان کی اصطلاح میں حقیقی اور مجازی معنوں کے درمیان تشبیہ کا علاقہ ہوتا۔ یعنی حقیقی معنوں کا لباس عاریہ مانگ کر مجازی معنوں کو پہنانا ) ذکر اردو میں بیشتر دوسرے معنی میں مستعمل ہے۔“ (نور اللغات، جلد اول، صفحہ 334) اوپر کی تعریفوں سے معلوم ہوتا ہے کہ استعارہ سے مراد وہ صورت ہے جب مشبہ بہ " کو عین مشبہ“ قرار دیا جاتا ہے۔ مثلا اگر یہ کہا جائے کہ " احمد شیر کی طرح بہادر ہے تو یہ تشبیہ ہے، لیکن اگر ہم یہ کہیں کہ احمد شیر ہے ۔ تو یہ استعارہ ہے کیونکہ یہاں مشبہ بہ شیر کو مشبہ احمد قرار دیا گیا ہے۔ آپ اس...
مزید پڑھیں